New Innovation: પવન ચક્કી જેવી 'વિન્ડ વોલ'(પવનદિવાલ) બનાવી, જે એક વર્ષ સુધી 4 ઘરોને પૂરી પાડશે મફત વીજળી....

New Innovation: પવન ઊર્જાનો ઉપયોગ કરીને ન્યુયોર્ક સ્થિત ડિઝાઇનર જો ડૌસેટ (Wind Turbine Wall)વિન્ડ ટર્બાઇન દિવાલ બનાવી. જે એક વર્ષમાં લગભગ 10,000 કિલોવોટ વીજળી ઉત્પન્ન કરી શકે છે.

પવન ઊર્જાનો મહત્તમ ઉપયોગ કરવા માટે, ન્યૂયોર્ક સ્થિત ડિઝાઇનર જો ડૌસેટ એક અદ્ભુત વિન્ડ ટર્બાઇન દિવાલ બનાવી છે, જે પવનમાંથી ઊર્જા ખેંચે છે. Doucet એ કહ્યુ હતુ કે, આ પ્રોજેક્ટ કલા અને ટેકનોલોજીનું મિશ્રણ છે, જે આપણા ઘર સુધી વીજળી પહોંચવાની સમસ્યાને હલ કરી શકે છે. તે હંમેશા કંઈક એવું બનાવવા માંગતો હતો જે જોવામાં આકર્ષક હોય અને જેમાંથી ઉર્જાનો પણ ભરપૂર ઉપયોગ કરી શકાય. એવું માનવામાં આવે છે કે ડૌસેટના આ રિન્યુએબલ એનર્જી સ્ત્રોતમાંથી એક વર્ષમાં લગભગ 10,000 કિલોવોટ વીજળીનું ઉત્પાદન કરી શકાય છે. ભારતમાં એક શહેરી પરિવાર દર મહિને લગભગ 150-200 KwH વીજળી વાપરે છે. એટલે કે આ વિન્ડ ટર્બાઇન વોલમાંથી ઉત્પન્ન થતી વીજળી એક વર્ષ સુધી ભારતના ચાર ઘરોમાં વીજળી પહોંચાડી શકે છે.

Watch Youtube Video For Wind Wall Demo

જો ડૌસેટ એક ડિઝાઇનર, ઉદ્યોગસાહસિક, શોધક અને સર્જનાત્મક નિર્દેશક છે. તેમના કામની વૈશ્વિક સ્તરે વ્યાપકપણે પ્રશંસા કરવામાં આવી છે અને તેનું લંડન ડિઝાઈન મ્યુઝિયમ અને સેન્ટ-ઈટીનમાં બિએનનેલ ઈન્ટરનેશનલ ડિઝાઈનમાં પણ પ્રદર્શન કરવામાં આવ્યું હતું. Doucet ને ડિઝાઇન ઇનોવેશન માટે 'વર્લ્ડ ટેક્નોલોજી એવોર્ડ' સહિત અનેક આંતરરાષ્ટ્રીય પુરસ્કારોથી પણ સન્માનિત કરવામાં આવ્યા છે. એટલું જ નહીં સરફેસ મેગેઝીને તેમને 'અવંત ગાર્ડિયન'નું બિરુદ પણ આપ્યું છે. 2017 માં, તે સ્મિથસોનિયન કૂપર, હેવિટ નેશનલ એવોર્ડનો વિજેતા પણ હતો. અને આ ક્ષેત્રનું તે સર્વોચ્ચ સન્માન ગણાઈ છે.

►પવન ઉર્જાએ અશ્મિભૂત ઇંધણ પરની નિર્ભરતા ઘટાડી

Doucet તેમની વેબસાઇટ પર લખે છે, પવન ઊર્જાએ સમગ્ર વિશ્વમાં અશ્મિભૂત ઇંધણ પરની નિર્ભરતામાં ઘટાડો કર્યો છે. પરંતુ વિન્ડ ટર્બાઇનનો ઉપયોગ ઘરો માટે ભાગ્યે જ થાય છે કારણ કે તેનુ કદ ઘણું મોટુ હોય છે.” તે વધુમાં કહે છે કે, આ પ્રોડક્ટને આકર્ષક રીતે ડિઝાઇન કરવામાં આવી છે. આ દિવાલ રોટરી બ્લેડની શ્રેણીમાંથી બનાવવામાં આવી છે. જે અલગથી ફરે છે, જે મિની જનરેટર ચલાવે છે અને વીજળી ઉત્પન્ન કરે છે. વીજળીનો ઉપયોગ ઘરમાં કે વ્યવસાયમાં થતો જ હોય છે, તેને દિવાલ પર લગાવેલી બેટરીમાં સંગ્રહિત કરી શકાય છે. આ વીજળી વીજકંપનીને પણ આપી શકાય છે જેના બદલામાં તમને આવક પણ થઈ શકે છે.”

►કેવી રીતે કામ કરે છે?

હોમક્રક્સ અનુસાર, વિન્ડ ટર્બાઇન વોલ અનેક રોટરી બ્લેડની બનેલી છે. આ બ્લેડ અલગથી ફરે છે, જે મિની જનરેટર ચલાવે છે અને આ જનરેટર વીજળી ઉત્પન્ન કરે છે. આ વિન્ડ ટર્બાઇનનો પ્રોટોટાઇપ સપાટ દિવાલ પર બાંધવામાં આવ્યો છે અને તે લગભગ આઠ ફૂટ લાંબી અને 25 ફૂટ પહોળી છે. આ વિન્ડ ટર્બાઇન દિવાલ લંબચોરસ આકારની છે અને તેમાં 25 ઓફ-ધ-શેલ્ફ વિન્ડ ટર્બાઇન જનરેટર છે જે ઊભી સળિયા અને ચોરસ પેનલ સાથે જોડાયેલા છે. આ ચોરસ પેનલ 25 બ્લેડ સાથે ફરે છે જે વીજળી ઉત્પન્ન કરે છે. આ ઇકો-ફ્રેન્ડલી પ્રોડક્ટ ડિઝાઇન અને ટેકનોલોજીનું અદ્ભુત ઉદાહરણ છે.

►કયાં મુકી શકાય ?

(Wind Turbine Wall) વૉલ વિન્ડ ટર્બાઇન એવી જગ્યાએ મૂકવી શ્રેષ્ઠ છે જ્યાં પવન સતત ફૂંકાય છે. આવી સ્થિતિમાં, તેને ગીચ વસ્તીવાળા શહેરી વાતાવરણમાં રાખવું કદાચ શક્ય નથી. જો કે, શહેરી વિસ્તારોમાં જ્યાં મોટી ટર્બાઇન મૂકી શકાતી નથી, ત્યાં વિન્ડ ટર્બાઇનની દિવાલો સરળતાથી મૂકી શકાય છે. એક અહેવાલ અનુસાર, પવન ઉર્જાની પહોંચની કોઈ મર્યાદા ન હોવાથી, આ દિવાલ મૂકવા માટે શ્રેષ્ઠ સ્થાનો હાઇવે, રિટેનિંગ વોલ અથવા ઇમારતોની આસપાસ છે.

આ સંસાધનનો મૂળ પ્રોટોટાઇપ, સપ્ટેમ્બર 2021 માં રજૂ કરવામાં આવ્યો હતો, આ કાઇનેટિક વોલને બજારમાં લાવવા માટે ઘણા ઉત્પાદકો સાથે વાટાઘાટ ચાલી રહી છે, Doucet દ્વારા બહાર પાડવામાં આવેલા નિવેદનમાં જણાવાયું છે. ઘણા અહેવાલો સૂચવે છે કે આ પ્રોડક્ટની કિંમત ઓછી રાખવામાં આવશે જેથી વધુને વધુ લોકો તેને ખરીદી શકે.

gujju news channel - business tips in gujarati - gujarati news - gujju news - the gujju news - wind energy - gujarati news